|
Айтылгъан сыйлы къызларыбызны ичинде бизге эм белгили, тарих-культура джаны бла кесине белги-эскертме къойгьан къарачай-малкъар халкъны сыйлы къызы, айтылгьан джырчысы Гошаях бийчеди. Гошаях бийчени джазыуу, джашауу, чыгъармачылыкъ дараджасы теренди, тахсалыды. Гошаях бийчени хапарын тюзетиб айтыу, аны джашауун, чыгъармаларын тинтиу, ачыкълау къуру бир тёлюню джумушу болуб къалмаз: хар тёлю аны юсюнден кесини энчи сёзюн айтыр деб турабыз. Хатерсиз, аяусуз заманла да Гошаях бийчени сыйлы сыфатын халкъны эсинден джокъ этелмегендиле. Алай а, кёб заты алкъын ташадады. Ала бары халкъны къолуна тюшерге, эсин уятыргъа, ангысын тазаларгъа тыйыншлы затладыла. Ол себебден, бизни оюмубуз бла, халкъыбызны сютюн ичиб, гырджынын ашаб ёсген хар бирибизни борчу - быллай ишлеге халал ачыкъ джюрек бла, къолундан келгенни аямай кюреширгеди. Ёнгелегенле да тюберле, халкъны хазнасын халкъгъа къызгъаныб, зарлыкъ этерге излегенле да чыгьарла. Аймысына. Бара-барсала, сокъураныргъа да болурла, ким биледи. Къаягъа ёшюнюн ургъан, къаяны чачды деб эшитмегенбиз. Тюзелирге излегеннге – Аллах болушсун. Биз да былайда сыйлы къызыбызны юсюнден халкъ эсинде тюгенмей тургъан затланы юсюнден айтыргъа кюрешейик... Къагъыйланы Назифа |
.
.
.
.
